Tölubrettið

ATH! Brettin verða á afslætti 11-12. nóvember vegna smá útlitsgalla.

Tölubrettið er frábær efniviður fyrir barnið þitt. Brettið auðveldar barninu að öðlast færni í að þekkja tölur frá 1-10 í sjón með því að vinna með efniviðinn á skapandi hátt. Til dæmis með því að rekja tölurnar með fingur eða rakningarstöng. Jafnvel móta leir eftir lögun talnanna sem og fylla í tölurnar með þurrkuðum baunum eða fræjum.  

Brettið hefur verið hannað á þann veg að það má snúa því við og nota báðar hliðar þess. Á annarri hliðinni má finna tíu ramma sem má nýta til þess að aðstoða barnið við að telja hluti og öðlast sjónrænt minni um fjölda og magn ásamt því að auka skilning barnsins á tölum. Þá er gott að setja einn hlut í fyrsta rammann, tvo hluti í annan rammann og svo framvegis.

Efniviðurinn okkar er byggður á sjálfstýrðri og áþreifanlegri lærdómsaðferð Montessori. Með því að nota tölurakningarbrettið mun barnið þitt byggja upp vöðvaminni í höndunum sem nýtist því svo þegar það er reiðubúið til þess að skrifa á blað með penna. Með því að halda utan um rakningarstöngina þjálfar barnið blýantsgripið.

Tölurakningarbrettið er skorið úr gegnheilum beykivið og lakkað með hrárri náttúrulegri olíu. Rakningarstöngin er einnig gerð úr beykivið og er hönnuð til þess að líkjast blýanti sem þjálfar blýantsgripið.

Ath! Kennsluleikfang
ekki ætlað börnum yngri en 36 mánaða án eftirlits.